So as I said yesterday I went to school for clearance. Getting there I was told I have to pay an extra 28k to augment the earlier payment I made for project as it was increased. Shuuuu. But when I paid and registered my project it was clearly stated that its 12k.
Na so I waka from office to office to know whats up until one prof come give me explanation say we were unfortunate to have been included in the wahala cause some student protest when it was updated to 40k and posted In the school portal. Oga sir ooo...... it was never posted on mine as even until now mine still shows 12k meaning I'm not supposed to be involved in that bullShi*.
Nai I tell them say make them no worry.. for now I no get need for the certificate, after all nothing I use my first degree do na masters wan give me work? When I have need for the certificate I go come pay them until then make I go invest the 28k for my hustling ooo.
Ba so I begin find ring today ooo come even accuse woman wen come clean my house. Only to find the stupid thing on top of one basket on my passage. But the mysterious thing be say I don pass through that passage like 50 times today.  So ishawuru don dey happen for my house? Abeg oooo, I don call the woman back dash her the ring sha. Hian!!!

Greetings my peeps..... chai no be woman is not a days job. To think that I thought I had all the time in the world and I can't afford to update this spot daily has proved to me that I AM ON A LONG THING.. its been a couple of days with so much chaos, stress but with joy and laughter.
Today now I feel very much better and decided to go do clearance at school. Ok naaa, driver come help me go bank go pay Alumni fee. This is my name, matric number, this na wetin you go write on top. Aunty which one be the name? Paul this one wen I mark here nai be my name and nai you go write put as the person wen dey pay the money. Aunty na the name when you dey answer? So when I go bank I no go shake.
SHUOOO OOOOOOOO..... wetin wan shake you na? People dey answer different names up and down?
And come to think of it I no too blame paul. My one of my bestie as Ada, Rhoda, Esther, Colet. Abeg una ooioo. ..lol. Answer one name so that angel fit easily identify una.
So as ee dey happen I go dey post to make up for lost times naaa, abi?

Greetings.......... hehehehehehehe.
Daily don dey wan turn weekly oooo. Sorry jooo, the back pain came so sudden and the pain was incessant for two days straight. Had to to run some test and even do a scan but the problem with back is still unknown.
You can trust my mama naaa, she don catch winch for the matter ooo. That dream wen she get the other time, ee be lije say nai be this ooo. That woman wen dey look me one kind that day she hear say the woman hand no clean, even that my aunt wen dey complain say i no sabi greet don be better suspect.
You can sha trust my original African mother. Love her to the moon and back though.
So as the pain manage subside today nai I say make I stroll round compound ooo, my people.... no be small thing lizard use me do...
Me don turn original African Child... I don dey catch winch too ooo...
Lol.. ciao...

I waka today no be small. Had one quick job to do and. It took almost all my time.
Vis-a-vis the work nai I stroll go my mum side 'old area I grew up' . Una suppose know all those Aproko aunty for area naa, na so one call me..
AP" how you dey my dear?
Me: I'm blessed ma,thank you
AP" how school na"?
NA SO MY MAMA FACE CHANGE ...Me wen don finish school six years ago, don even do masters on top
Me: school is fine ma
AP " but you suppose don finish school naa
Me: yes ma i've finish for years now
MY MUM: she don even get her masters
AP : but you for talk when i ask you naaa
MY MUM: person when you know as student long time ago go stoll dey school now? Na school of eternal life she dey go?
Me: Lol, no vex ma, I see life as a school of which we learn everyday. Bye ma.
Nai we enter motor dey go but trust my mama naaa.. that na sproko matter, she think say you be those their family wen dey go school no dey finish? Aproko kill her head!
Shuuuuuuu........

Made my hair today. As we dey plait nai one other customer come  dey call call the stylist.
Shuoooo..... the call don too much nai I ask the stylist wetin happen? She say the customer don already book her down before but she say make she rush do my hair.
Ok naa.... nai we begin to plan wetin we go tell the woman.
TRUST!!! Nai I pick the call turn my voice and accent to one strong warri woman own. "Madam abeg no vex, na you be the person wen ee wan com do ee head? Abeg ee boyfriend seive ee fone say ee must cook before ee comot for hase ooo. I be ee boyfriend sixter and na call them call me say faight dey, nai I run come oo. I don take d fone for my yeye broda hand now and she go dey come soon, abeg no vex.
Kai I be real Mercy Johnson improvised.
Ciaooo...

First of All... Introduction

And so I stumbled on a blog today and upon touching and pressing found out I can create my own blog.
Na so I take start ooo. Meanwhile I suppose dey rest after a very hectic 2015 Latter.
I decided to be writing on my daily encounters with life just for the seriousness or fun of it.
I hail!!